VÍDJÓ

119 Hringavitleysa III: Sælir King (Lord of the Rings III: The Return of the King)

Hugleikur Dagsson og Sandra Barilli — Tue, 24 Dec 2024 00:05:00 +0000

Fróði ferðast ennþá með hringinn ásamt Sóma félaga sínum og þurfa þeir nauðsynlega að komast óséðir framhjá öllum illmennunum sem hafa safnast saman hjá Sauroni. Aragorn sér nú að hann þarf að taka við krúnunni ef það á að ráða niðurlögum á illmennasúpunni sem myndast hefur í Mordor.

118 Hringavitleysa II: Tvennutilboð (Lord of the Rings II: Two Towers)

Hugleikur Dagsson og Sandra Barilli — Tue, 17 Dec 2024 00:05:00 +0000

Nú þegar Fróði og Sámur hafa orðið viðskila við fylgdarsveina sína liggur þeim mikið á að komast klakklaust á leiðarenda. Þeir vita mest lítið um hvernig fór fyrir hinum sem lögðu með þeim af stað í leiðangurinn en með viljann að vopni og landakort rata þeir vonandi inn að Dyngjunni.

117 Hringavitleysa I: Ferðaveldið (Lord of the Rings I: The Fellowship of the Ring)

Hugleikur Dagsson og Sandra Barilli — Tue, 10 Dec 2024 00:05:00 +0000

Þegar Hobbitanum Fróða áskotnast gullhringur með dulda krafta, þarf hann að taka á honum stóra sínum til að standast töfra hringsins. Hann ákveður ásamt vini sínum Gandálfi að koma hringnum fyrir kattarnef og eyða honum í Dómsdyngju þar sem hann var fyrst búinn til, það er að segja vísa honum aftur til föðurhúsanna. Hann á langa leið fyrir höndum og fær því hjálp frá allra þjóða kvikindum.

116 Hoppípolla (Singin’ in the Rain)

Hugleikur Dagsson og Sandra Barilli — Tue, 11 Jun 2024 00:05:00 +0000

Ungur áhættuleikari í Hollywood fær stóra tækifærið sitt og verður stjarna á hvíta tjaldinu. Hann og mótleikkona hans þykjast vera í ástarsambandi til að auka á aðsókn á næstu mynd, en það mun hafa lítið að segja því sú mynd mun vera með tali og mótleikkonan er ekki með sérlega fágaða leikkonurödd.

115 Hvert þó í hoppandi (Mulholland Drive)

Hugleikur Dagsson og Sandra Barilli — Tue, 04 Jun 2024 00:05:00 +0000

Ung leikkona kemur til Hollywood til að meika það en gengur ekki betur en svo að hún missir vitið þegar ástkona hennar sem er einnig leikkona hættir með henni fyrir ungan og upprennandi leikstjóra.

114 Eiríkur Fjalar (Ed Wood)

Hugleikur Dagsson og Sandra Barilli — Tue, 28 May 2024 00:05:00 +0000

Ed Wood reynir fyrir sér sem kvikmyndaleikstjóri í Hollywood og heldur ótrauður áfram þrátt fyrir margar hindranir og hæfileikaskort. Hann keyrir verkefnin sín áfram á jákvæðni og með hjálp þekkts leikara sem er kominn á aldur og er mikill morfínfíkill en vill þrátt fyrir það taka þátt í myndunum hans Ed.

113 Dótadagur 3: Leikfangar (Toy Story 3)

Hugleikur Dagsson og Sandra Barilli — Tue, 21 May 2024 00:05:00 +0000

Þegar Andy, eigandi margvíslegra leikfanga, er á leiðinni í háskóla ætlar hann að koma gömlu leikföngunum sínum fyrir uppá háalofti. Þau enda óvart í ruslinu og þurfa svo að koma sér aftur heim, en með stuttri viðkomu á barnadagheimili þar sem bleikur knúsubangsi ræður ríkjum.

112 Ná vá 2: Nögun við dögun (Evil Dead 2)

Hugleikur Dagsson og Sandra Barilli — Tue, 14 May 2024 00:05:00 +0000

Ungt og efnilegt par ákveður að leggja leið sína í lítið sumarhús en þar finna þau forna bók sem býr yfir illsku. Þau komast snögglega að því að illskan lifir í öllu umhverfinu en um leið og illskan klófestir annað þeirra eru góð ráð dýr.

111 Babbi segir, Babbi segir (The Godfather II)

Hugleikur Dagsson og Sandra Barilli — Tue, 07 May 2024 00:05:00 +0000

Í þessum formála og eftirmála af kvikmyndinni Babbi segir sjáum við upprisu og hnig fjölskylduveldisins sem við kynntumst í fyrstu myndinni. Við fylgjumst með Vito Corleone þegar hann kemur fyrst til Bandaríkjanna og ætlar að koma sér upp góðu orðspori í hverfinu. Einnig sjáum við hvernig syni hans Michael tekst til að sjá um fjölskylduarfinn og halda öllum meðlimum fjölskyldunnar góðum.

110 Babbi segir (The Godfather)

Hugleikur Dagsson og Sandra Barilli — Thu, 28 Dec 2023 00:05:00 +0000

Höfuð fjölskyldunnar lendir í bráðri lífshættu eftir skotárás og er einnig kominn á aldur svo þá þarf að finna hæfan arftaka í systkinahópnum, sem getur viðhaldið veldinu sem er búið að byggja upp. Af þremur bræðrum kemur einn sterklega til greina, og hann byrjar á að fá vandasamt verkefni í hendurnar.

109 Jólin dúkka upp (The Muppet Christmas Carol)

Hugleikur Dagsson og Sandra Barilli — Tue, 19 Dec 2023 00:05:00 +0000

Heldri maður og lánadrottinn er viðskotaillur í samskiptum sínum við starfólkið sitt og raunar allt fólk sem hann umgengst. Á jólanótt er hann svo heimsóttur af draugum sem veita honum nýja sýn á lífið.

108 Ríðingafélagið Grímur (Eyes Wide Shut)

Hugleikur Dagsson og Sandra Barilli — Tue, 12 Dec 2023 00:05:00 +0000

Eiginmaður og faðir kemst á snoðir um ankannalega skemmtun sem felur í sér mikla nekt, samfarir og grímunotkun, og langar mjög mikið að komast í veisluna án þess að láta eiginkonuna sína vita. Hann hverfur út í nóttina undir því yfirskini að vera að sinna sínum sjúklingum en reynir í staðinn eftir fremsta megni að sænga hjá ókunnum konum.

107 Bráðum koma stressuð jólin (Christmas Vacation)

Hugleikur Dagsson og Sandra Barilli — Tue, 05 Dec 2023 00:05:00 +0000

Óhandlaginn heimilisfaðir vill halda hin fullkomnu jól með fjölskyldunni sinni, en fær svo inn á heimilið foreldra sína, tengdaforeldra og frænda og fjölskyldu hans, ásamt hundinum þeirra sem er að glíma við mikla sýkingu í ennisholum.

106 Ferðamátar (Planes, Trains and Automobiles)

Hugleikur Dagsson og Sandra Barilli — Tue, 28 Nov 2023 00:05:00 +0000

Einn auglýsingastofustarfsmaður er að leggja af stað heim til sín fyrir Þakkargjörðarhátíðina til að eyða henni í faðmi fjölskyldunnar sinnar þegar að á vegi hans verður farandsölumaður sem á heldur betur eftir að vera örlagavaldur í hans lífi.

Brot af því besta – Þættir 011-015

Hugleikur Dagsson og Sandra Barilli — Tue, 21 Nov 2023 13:44:36 +0000

Smakkseðill úr þáttum 11 til 15, þessi brot er að finna í umfjöllun um myndirnar Tóti á móti, (My Neighbour Totoro), Hörundsár (Scarface), Olnbogarými (Office Space), Flottar á flótta (Thelma & Louise) og loks Skarkári (Poltergeist).

105 Barði (Rocky)

Hugleikur Dagsson og Sandra Barilli — Tue, 14 Nov 2023 00:05:00 +0000

Fátækum og hirðulausum ónytjung er boðið að keppa á móti stærsta hnefaleikakappa Bandaríkjanna og hefur hann fimm vikur til að undirbúa sig. Hann ber í svínsskrokka og hleypur um Philadelphiuborg og eignast kærustu sem stendur við bakið á honum.

104 Nóg til og meira frammi (Babettes Gæstebud)

Hugleikur Dagsson og Sandra Barilli — Tue, 07 Nov 2023 00:05:00 +0000

Franskur kokkur fær athvarf hjá tveimur systrum og unir vel. Hún vinnur svo í frönsku lottói og ákveður að nýta peninginn til að bjóða til alvöru franskrar veislu í smábænum þeirra.

103 Sláturfélag Suðurríkjanna (The Texas Chain Saw Massacre)

Hugleikur Dagsson og Sandra Barilli — Tue, 31 Oct 2023 00:05:00 +0000

Fimm ungmenni sem stúdera gang himintunglanna ætla að kíkja á eyðibýli saman, en gleyma að taka bensín og þurfa að banka uppá í nærliggjandi húsi til að fá aðstoð við það. Þar tekur á móti þeim ófrýnilegur maður sem styttir þeim stundir.

102 Viltu vera memm? (Låt den rätte komma in)

Hugleikur Dagsson og Sandra Barilli — Tue, 24 Oct 2023 00:05:00 +0000

Ungur drengur kynnist nágranna sínum sem reynist vera vampíra. Með þeim myndast mikill vinskapur og hjálpar hún honum að klekkja á bekkjabræðrum hans sem hafa verið að gera honum lífið leitt.

101 That’s So Raven (Hrafninn flýgur)

Hugleikur Dagsson og Sandra Barilli — Tue, 17 Oct 2023 00:05:00 +0000

Á víkingatímum á Vík í Mýrdal, mætir Gestur á svæðið sem hyggur á blóðugar hefndir. Hann egnir öllum gengjum saman og kemur upp á milli fóstbræðra í ofanálag, allt til að hefna foreldra sinna og bjarga systur sinni.

100 Klappstyrjöldin (Bring It On)

Hugleikur Dagsson og Sandra Barilli — Tue, 10 Oct 2023 00:05:00 +0000

Nú eru góð ráð dýr, þegar söguhetjan okkar sem er nýkjörin fyrirliði klappstýruliðsins, kemst að því að öll þeirra fyrri atriði eru stolin frá öðru liði sem hefur ekki haft fjármagn til að mæta á klappstýrukeppnir. Til að bjarga mannorði liðsins, bregður hún á það ráð að fá nýjan danshöfund, en sá hefur óhreint mjöl í pokahorninu.

099 Bjartur (Akira)

Hugleikur Dagsson og Sandra Barilli — Tue, 03 Oct 2023 00:05:00 +0000

Ungir drengir í mótorhjólagengi lenda í hættu þegar að einn þeirra smitast af telekínetískum ofurkröftum. Smitið nær heljartökum á honum, og reynist honum lífshættulegt.

Brot af því besta – Þættir 006-010

Hugleikur Dagsson og Sandra Barilli — Tue, 26 Sep 2023 18:40:01 +0000

Smakkseðill úr þáttum 6 til 10, þessi brot er að finna í umfjöllun um myndirnar Meðal dóna og þrjóta í Minnesóta (Fargo), KJAMS (Jaws), Hugguleg án heimanmunds (Pretty Woman), Reimholt (Ghost World) og loks Bíbí fríkar út (Birds).

098 Kung fú sjúbbídú (Kung Fu Hustle)

Hugleikur Dagsson og Sandra Barilli — Tue, 19 Sep 2023 00:05:00 +0000

Í einum fátækasta hluta Shanghai borgar er blokk með samliggjandi svalir og mikinn samgang íbúa sem eiga það sameiginlegt að vera með sama leigusalann. Leigusalinn býr líka í blokkinni en hún býr einnig yfir ofurkröftum.

097 Strákarnir okkar (Team America: World Police)

Hugleikur Dagsson og Sandra Barilli — Tue, 12 Sep 2023 00:05:00 +0000

Alheimslögregla Bandaríkjanna er orðin ráðþrota í baráttunni við hryðjuverkamenn og ræður því til sín Gary, stærsta leikarann á Broadway til að svindla sér inn í herbúðir óvinanna. Hann beitir öllum sínum leikhæfileikum til að bjarga heiminum og finnur ástina.

096 Vonlaust viðhald (Fatal Attraction)

Hugleikur Dagsson og Sandra Barilli — Tue, 05 Sep 2023 00:05:00 +0000

Þegar heimilisfaðir, sem þykir hjónaband sitt farið að súrna, ákveður að halda framhjá eiginkonu sinni með tælandi samstarfskonu, kemst hann fljótt að því að hann hefði betur haldið upp um sig brókinni.

095 Bella Dýramær (Beauty and the Beast)

Hugleikur Dagsson og Sandra Barilli — Tue, 27 Jun 2023 00:05:00 +0000

Fríða er ungur bókaormur sem þyrstir í ævintýri og þegar föður hennar er rænt af dýrslegri skepnu í álögum, ákveður hún að hún skuli bjóða sjálfa sig fram sem fanga í stað föður síns. Hún dvelur í kastala þar sem allt heimilisfólk er einnig undir álögum og reynir að gera gott úr dvölinni þar.

094 Hlaupastingur (Blade Runner)

Hugleikur Dagsson og Sandra Barilli — Tue, 20 Jun 2023 00:05:00 +0000

Í dystópískri framtíð eru löggur sem veiða vélmenni sem eru svo raunveruleg að það sést ekki munur á þeim og venjulegu fólki.

093 Bleikir mávar (Pink Flamingos)

Hugleikur Dagsson og Sandra Barilli — Tue, 13 Jun 2023 00:05:00 +0000

Dragdrottningin og glæpakvendið Divine býr í hjólhýsi ásamt fjölskyldu og vinum og stærir sig af því að vera sú óhugnalegasta í bransanum. Þegar hjónakorn nokkur í bænum fá veður af því langar þau að storka þeim titli hjá Divine með því að gera þeim ógeðis-grikki.

092 Flóttamannabúðir (The Great Escape)

Hugleikur Dagsson og Sandra Barilli — Tue, 06 Jun 2023 00:05:00 +0000

Stríðsföngum sem hafa verið iðnir við að reyna að strjúka úr fangabúðum nasista er safnað saman í einar fangabúðir sem er mjög erfitt að strjúka úr. Þeir eru hins vegar mjög skipulagðir og búa yfir ýmsum og fjölbreyttum hæfileikum sem verður til þess að þeir leggja saman á ráðin að reyna enn og aftur á stroku, sem skal vera sú stærsta hingað til.

091 Flottur Jackie (Police Story)

Hugleikur Dagsson og Sandra Barilli — Tue, 30 May 2023 00:05:00 +0000

Jackie Chan leikur lögreglumann sem þarf að vernda mikilvægt vitni í mafíumáli, og lendir í ýmsum ógöngum meðan að á því stendur. Það eru óþokkar á hverju strái sem bíða þess að berja úr honum líftóruna en þeim tekst illa til í því ætlunarverki.

090 Í bláum skugga (Blue Velvet)

Hugleikur Dagsson og Sandra Barilli — Tue, 23 May 2023 00:05:00 +0000

Þegar ungur drengur finnur afskorið eyra í grasinu er ekkert sem fær hann stöðvað til að komast til botns í málinu, hvort manneskjan sem eyrað tilheyrði sé á lífi og hver skar eyrað af. Hann kynnist fljótlega undirheimum smábæjar síns á meðan að á spæjaraleiknum hans stendur.

089 Í harðbakkann slær (A Hard Day’s Night)

Hugleikur Dagsson og Sandra Barilli — Tue, 16 May 2023 00:05:00 +0000

Bítlarnir eru orðnir heimsfrægir og geta hvergi vel við unað án þess að aðdáendur elti þá uppi öskrandi og æpandi. Á einu tónleikaferðalagi þeirra er afi Paul McCartney dreginn með og hann ætlar svo sannarlega að græða á tá og fingri af barnabarninu og hæfileikaríku vinum hans.

088 Dragbjört (Tootsie)

Hugleikur Dagsson og Sandra Barilli — Tue, 09 May 2023 00:05:00 +0000

Þegar óvinsæll en hæfileikaríkur leikari fær hvergi vinnu tekur hann upp á því að klæða sig sem kona og reyna fyrir sér í hlutverki í vinsælli sápuóperu. Hann kemst þó fljótt að því að það er ekki leikur einn að leika tveimur skjöldum.

087 Víðis saga (Willow)

Hugleikur Dagsson og Sandra Barilli — Tue, 02 May 2023 00:05:00 +0000

Tveggja barna faðir finnur unga prinsessu í polli og þarf að leggja á sig heljarinnar leiðangur til að koma henni í skjól frá illa innrættum yfirvöldum sem vilja ráða hana af dögum. Hann hefur fengist við kukl og smágaldra og þarf núna að nýta sér þá kunnáttu í ævintýraförinni.

Brot af því besta – Þættir 001-005

Hugleikur Dagsson og Sandra Barilli — Tue, 25 Apr 2023 15:57:05 +0000

Smakkseðill úr þáttum 1 til 5, þessi brot er að finna í umfjöllun um myndirnar Þetta reddast, (A New Hope), Aktu Taktu (Bonnie & Clyde), Brúðarbrölt (The Princess Bride), Jarmsaga (Silence of the Lambs) og loks Upp, upp mín sál (Up).

086 Pútter Haraldur (Happy Gilmore)

Hugleikur Dagsson og Sandra Barilli — Tue, 18 Apr 2023 00:05:00 +0000

Þegar amma hans Happy missir húsið sitt út af skattsvikum og þarf hann að leita allra ráða til að borga það upp svo hún þurfi ekki að búa á elliheimili þar sem starfsfólkið beitir andlegu ofbeldi. Hann kemst óvart að því að hann er góður í golfi, og byrjar að keppa á mótum og slær heldur betur í gegn.

085 Skák og lát (Sjunde inseglet/The Seventh Seal)

Hugleikur Dagsson og Sandra Barilli — Tue, 04 Apr 2023 00:05:00 +0000

Svíþjóð á miðöldum var ekkert dýrðarríki, en þar geisaði plága sem hirti öll þau sem gættu sín ekki á henni. Hin ljóðræna mynd Ingmars Bergman segir frá hópi fólks sem reynir að forðast dauðann og pláguna í leit að betra lífi, en dauðinn fylgir alltaf fast á hæla þeirra.

084 Steinsmuga (The Rock)

Hugleikur Dagsson og Sandra Barilli — Tue, 28 Mar 2023 00:05:00 +0000

Þegar gamall hermaður ákveður að setja saman hryðjuverkateymi og halda ferðalöngum föngnum í þekktasta fangelsi allra tíma, gegn því að fá ríkisstjórn Bandaríkjanna til að viðurkenna mistök og endurgreiða gamlar skuldir, þarf að leita til góðkunningja lögreglunnar til að stoppa þá. Hryðjuverkateymið hótar árás á San Fransisco með hræðilegustu efnavopnum sem fundin hafa verið upp og sem setur alla í erfiða stöðu.

083 Mættastur (Being There)

Hugleikur Dagsson og Sandra Barilli — Tue, 21 Mar 2023 00:05:00 +0000

Maður á besta aldri sem hefur aldrei farið út fyrir hússins dyr, né setið í bíl eða talað við fleiri en tvær manneskjur, fær loksins að upplifa það sem er að gerast í heiminum utan heimilis hans. Honum er annt um garðyrkju og sjónvarpsgláp, og fær að láta reyna á það sem hann hefur lært af því tvennu í samskiptum sínum við fólk sem verður á vegi hans.

082 Grýlurnar (The Craft)

Hugleikur Dagsson og Sandra Barilli — Tue, 14 Mar 2023 00:05:00 +0000

Þegar ung og fjölkunnug stúlka byrjar í nýjum skóla, kynnist hún fljótlega þremur vinkonum sem hafa einnig verið að gæla við galdra. Þær ákalla almættið og beita miskunnarlaust álögum á fyrrum kvalara sína.

081 Látnir skrifa ljóð (Dead Poets Society)

Hugleikur Dagsson og Sandra Barilli — Tue, 07 Mar 2023 00:05:00 +0000

Robin Williams leikur kennara sem kennir í helst til hefðbundum skóla þar sem reglur um samskipti og kennsluhætti eru af gamla mátanum. Hann lætur það ekki á sig fá og kynnir nemendur sína fyrir nýjum aðferðafræðum og lífsins lists, sem fellur ekki vel í kramið hjá hinum kennurunum.

080 Öðruvísitölufjölskyldan (The Incredibles)

Hugleikur Dagsson og Sandra Barilli — Tue, 28 Feb 2023 00:05:00 +0000

Við fylgjumst með úthverfafjölskyldu þar sem allir fjölskyldumeðlimir búa yfir ofurkröftum, en þeim er gert að fela og bæla þá niður samkvæmt lögum. Þeim tekst þó ekki lengi að fara huldu höfði í nútímasamfélagi þar sem þau berjast fyrir réttlætinu og freistast til að nýta krafta sína í baráttunni við illa innrætta hrotta.

079 Hvolpasveitin (Reservoir Dogs)

Hugleikur Dagsson og Sandra Barilli — Tue, 21 Feb 2023 07:12:01 +0000

Nokkrir krimmar eru komnir saman til að framkvæma bankarán fyrir sameiginlegan vin, en þar sem þeir þekkjast lítið sem ekkert áður en ránið á sér stað, vita þeir ekki að einn þeirra er leynilögregla sem ætlar að koma þeim öllum fyrir kattarnef.

078 Lítill í sér (Big)

Hugleikur Dagsson og Sandra Barilli — Tue, 14 Feb 2023 00:05:00 +0000

Tom Hanks leikur smádreng sem fær óvænt fullorðinslíkama til afnota um óákveðinn tíma. Hann nýtir tækifærið og kynnir sér bæjarlífið í borginni og byrjar í vinnu þar sem hann sér um framleiðslu á leikföngum.

077 Babb í bátinn (Titanic)

Hugleikur Dagsson og Sandra Barilli — Tue, 27 Dec 2022 00:05:00 +0000

Stærsta skip sem smíðað hafði verið lagði af stað í sína jómfrúarferð yfir Atlantshafið árið 1912. Á skipinu var fjöldi fólks úr öllum þjóðfélagsstigum og segir sagan frá ungum elskendum sem kynnast um borð í fleyinu og örlögum þeirra og hinna farþeganna þegar það sigldi á ógnarhraða og lenti á ísjaka og sökk stuttu síðar, öllum að óvörum því skipið var sagt ósökkvanlegt.

076 Vopnum búinn og viti rúinn (Lethal Weapon)

Hugleikur Dagsson og Sandra Barilli — Tue, 20 Dec 2022 00:05:00 +0000

Tvær löggur kynnast náið og vel þegar þær eru látnar vinna saman við rannsókn á dauðsfalli ungar konu. Í fyrstu er ekki talið að andlát hennar hafi borið að með saknæmum hætti en annað kemur í ljós þegar lögreglan hefur rannsókn sína. Hún ku vera dóttir þekkts auðjöfurs sem að er sjálfur viðriðinn vafasöm viðskipti í undirheimunum.

075 Líf, ertu að grínast? (It’s a Wonderful Life)

Hugleikur Dagsson og Sandra Barilli — Tue, 13 Dec 2022 00:05:00 +0000

Lánadrottinn í litlum bæ dreymir um að komast til útlanda og skoða heiminn en líf hans dregur hann alltaf strax til baka í að byggja upp smábæinn sinn með lánum til samborgara sinna. Hann kaupir hús í niðurníðslu sem konan hans gerir upp, og búa þau saman þar ásamt sínum fjórum börnum.

074 Rokklingarnir (Gremlins)

Hugleikur Dagsson og Sandra Barilli — Tue, 06 Dec 2022 00:05:00 +0000

Uppfinningafaðir gefur syni sínum lítið dýr að gjöf sem þarf einungis að passa að þrennu leyti; að það blotni ekki, sé ekki í mikilli birtu eða sólarljósi, og að það borði ekki eftir miðnætti. Sonurinn reynir eftir fremsta megni að hlýða þeim reglum og passa upp á nýja gæludýrið sitt en þegar vinur hans rekst í vatnsglas tekur við atburðarás sem erfitt er að halda í við.

073 Í guðanna bænum (Cidade de Deus)

Hugleikur Dagsson og Sandra Barilli — Tue, 29 Nov 2022 00:05:00 +0000

Í fátæku hverfi í Rio de Janeiro eru ung börn í glæpagengjum, sem stýrð eru af aðeins eldri börnum. Aðal söguhetjan okkar segir frá lífinu í hverfinu og hvernig hann náði á ótrúlegan hátt að flýja fátæktina með því að taka myndir af glæpamönnum og selja til blaðanna.

072 Flippskúnkar á flandri (Bill & Ted’s Excellent Adventure)

Hugleikur Dagsson og Sandra Barilli — Tue, 22 Nov 2022 00:05:00 +0000

Bill og Ted eru á leiðinni í sögupróf í menntaskólanum sínum en hafa lítið náð að læra fyrir það. Þeim eru settir þeir afarkostir að ná prófinu, ellegar falla úr skóla og þurfa að ganga í herinn eða eitthvað þaðan af verra. Þeir einsetja sér að læra heima, og fá hjálp frá tímaklefa sem þeir nota til að sakna að sér nokkrum af merkustu manneskjum fortíðarinnar, sem aðstoða þá við lokaprófið.

071 Glataðir gaurar (The Lost Boys)

Hugleikur Dagsson og Sandra Barilli — Tue, 15 Nov 2022 00:05:00 +0000

Tveir bræður eru nýfluttir til smábæjar í Kaliforníu og eru þar að fóta sig og reyna að kynnast nýjum vinum. Það gengur ekki betur en svo að fyrsti vinahópur sem þeir kynnast eru vampírur sem lifa gjálífi og myrða bæjarbúa. Þegar eldri bróðirinn smitast af vampírunum og virðist ætla að umbreytast sjálfur í eina slíka eru góð ráð dýr.

070 Trúðslæti og leðurblæti (Batman)

Hugleikur Dagsson og Sandra Barilli — Tue, 08 Nov 2022 00:05:00 +0000

Leðurblökumaðurinn og Jókerinn etja kappi hvor við annan í Gotham borg.

069 Púkó Boss (The Devil Wears Prada)

Hugleikur Dagsson og Sandra Barilli — Tue, 01 Nov 2022 00:05:00 +0000

Við fylgjum aðalsöguhetjunni á vit tískuævintýranna en hún stefnir að því að verða blaðakona, og þangað til sá draumur getur ræst þarf hún að vinna fyrir tískublað sem henni þykir heldur hallærislegt. Hún lærir þó fljótlega að meta það sem gerist innan tískuiðnaðarins og byrjar að bera virðingu fyrir duttlungum yfirmanns síns, sem og að reyna eftir fremsta megni að standa sig sem best.

068 Klórað í krakkana (A Nightmare on Elm Street)

Hugleikur Dagsson og Sandra Barilli — Tue, 25 Oct 2022 00:05:00 +0000

Vondur karl með klær ofsækir menntaskólanemendur meðan þau sofa og verður þeim stundum að bana. Þau þurfa að beita klækjum til að reyna að stöðva þetta framferði hans.

067 Konan við 37,2 gráður (Betty Blue / 37°2 le matin)

Hugleikur Dagsson og Sandra Barilli — Tue, 18 Oct 2022 00:05:00 +0000

Erótískt sálfræði drama um unga konu sem flytur inn með ástmanni sínum sem er smiður og óútgefinn skríbent í hjáverkum. Hún hrífst af skrifum hans og hvetur hann til að reyna fyrir sér sem rithöfundur, en það gengur heldur brösulega. Þau eru ástfangin upp fyrir haus og þeirra helsta verkefni eru skapofsaköst Bettyjar sem ágerast eftir því sem líður á.

066 Kallar í fjalli ansa kalli (Close Encounters of the Third Kind)

Hugleikur Dagsson og Sandra Barilli — Tue, 11 Oct 2022 00:23:42 +0000

Þegar venjulegur heimilisfaðir kemst í kynni við geimskip grípur hann óstjórnleg löngun að skapa það sem hann taldi að geimverurnar hefðu sýnt honum. Hann missir áhuga á öllu öðru en því að hafa upp á þeim.

065 Voff voff bang bang (Old Yeller)

Hugleikur Dagsson og Sandra Barilli — Tue, 04 Oct 2022 00:05:00 +0000

Fjölskylda í Suðurríkjum Bandaríkjanna tekur að sér villihund sem reynist fjölskyldunni fljótt vinur í raun. Hann aðstoðar þau við bústörfin af mikilli kostgæfni.

064 Fullt hús matar (Delicatessen)

Hugleikur Dagsson og Sandra Barilli — Tue, 27 Sep 2022 00:05:00 +0000

Slátrari leigir út íbúðir í fjölbýli og selur kjöt og matvöru á jarðhæðinni. Hann á það til að fela uppruna kjötmetisins fyrir kaupendum, en oftar en ekki eru það nýjir leigjendur sem að falla fyrir kjötexi hans. Myndin gerist í Frakklandi eftir heimsslit þar sem korn er orðið að gjaldmiðli og grænmetisætur hafa stofnað byltingarsamtök og búa neðanjarðar.

063 Hart í hári (Hairspray)

Hugleikur Dagsson og Sandra Barilli — Tue, 20 Sep 2022 00:05:00 +0000

Ung og íturvaxin skólastúlka kemst í vinsælasta dans-sjónvarpsþáttinn í Baltimore. Ásamt því að auka á fjölbreytileika í líkamsstærðum í danshópnum með nærveru sinni, lætur hún ekki þar við sitja heldur berst fyrir því að dansþátturinn afnemi aðskilnaðarstefnu sína og hleypi svörtu fólki á dansgólfið líka alla daga.

062 Brimprettir (Point Break)

Hugleikur Dagsson og Sandra Barilli — Tue, 26 Jul 2022 00:05:00 +0000

Óskabarn Hollywood, Keanu Reeves, leikur lögreglumann sem þarf að komast í mjúkinn hjá brimbrettaköppum til að rannsaka fjölda bankarána sem hann telur þá ábyrga fyrir. Hann finnur fljótt hvernig öldurnar draga fólk til sín og er sjálfur orðinn heillaður af brimbrettalífsstílnum, en má ekki missa sjónar af markmiði sínu.

061 Te hjá tengdó (Get Out)

Hugleikur Dagsson og Sandra Barilli — Tue, 19 Jul 2022 00:05:00 +0000

Svartur ljósmyndari eyðir helginni hjá hvítri tengdafjölskyldu sinni í þeirri von að kynnast þeim betur en áttar sig smátt og smátt á því að tilgangur heimsóknarinnar er allur annar en að styrkja fjölskyldutengslin á heilbrigðan hátt.

060 Svikinn héri (Who Framed Roger Rabbit)

Hugleikur Dagsson og Sandra Barilli — Tue, 12 Jul 2022 10:10:50 +0000

Samlífi teiknimynda og fólks í Hollywood gengur framar vonum þangað til að illkvittinn einstaklingur ætlar sér að eyða öllum teiknimyndum úr raunveruleikanum með heimatilbúinni sýru. Hann ræðst ekki á garðinn þar sem hann er lægstur og ætlar sér að taka út skærustu kvikmyndastjörnu teiknimyndanna, Halla héra.

059 Slest upp á vínskápinn (Withnail and I)

Hugleikur Dagsson og Sandra Barilli — Tue, 05 Jul 2022 00:05:00 +0000

Tveir atvinnulausir leikarar telja að þeir þurfi hvíld frá daglegu amstri í borginni og fá lánaðan sveitabæ. Þegar þeir koma á staðinn tekur allt annað en hvíld við, en þeir þurfa að hafa mikið fyrir að kynda upp húsið, finna sér mat í gogginn og elda hann.

058 Bingó í Vinabæ (When Harry Met Sally…)

Hugleikur Dagsson og Sandra Barilli — Tue, 28 Jun 2022 00:05:00 +0000

Harry og Sally kynnast ung að árum þegar þau keyra samferða til New York, sem má sjá eins og þriðja karakter myndarinnar. Þau hittast öðru hverju á förnum vegi og verða loks nánir vinir. Þrátt fyrir fjölda elskhuga og langtímamaka virðast hugar þeirra beggja leita smátt og smátt hvorir til annars.

057 Alein 2: Fleiri en ein (Aliens)

Hugleikur Dagsson og Sandra Barilli — Tue, 21 Jun 2022 00:05:00 +0000

Ripley rekur loks á slóðir mannfólks en hún hefur verið sofandi í fleiri tugi ára. Á meðan hún svaf og sveif um geiminn réðust stórfyrirtæki í að byggja upp samfélag á plánetunni þar sem hún hafði fyrst komist í kynni við Xenomorph. Hún fer því í leiðangur með

056 Hundfúlt eftir hádegi (Dog Day Afternoon)

Hugleikur Dagsson og Sandra Barilli — Tue, 14 Jun 2022 00:05:00 +0000

Þrír bankaræningar hefja bankarán án þess að plana það neitt sérstaklega í þaula. Einn þeirra heltist úr lestinni áður en hasarinn hefst og undir hinum tveimur er þá komið að halda andliti. Lögreglan umkringir svæðið og fjöldi fólks dregst að til að fylgjast með framvindu mála.

055 Bragðarefur í Borgartúni (The Wolf of Wall Street)

Hugleikur Dagsson og Sandra Barilli — Tue, 07 Jun 2022 00:05:00 +0000

Verðbréfasalinn Jordan Belford fær vinnu hjá eftirsóttu fyrirtæki í fjármálageiranum og hann er ekki lengi að komast upp á lagið með að afla sér tekna á vafasaman máta. Fljótlega kemur hann upp sínu eigin fyrirtæki sem stóreykur umsvif á markaðnum á skömmum tíma. Myndin er byggð á raunverulegri sögu af verðbréfabraskara sem kunni sér ekki hóf.

054 Fenris laus úr læðingi (Ferris Bueller’s Day Off)

Hugleikur Dagsson og Sandra Barilli — Tue, 31 May 2022 00:05:00 +0000

Þó að Ferris sé með flottar einkunnir og elskaður og dáður af samnemendum sínum hefur hann gaman að því að taka lífinu létt og skólanum ekki allt of alvarlega. Hann skipuleggur skrópdag og dregur með sér vin sinn og kærustu og þau keyra um á illa fengnum bíl og lenda í mörgum ævintýrum í borginni.

053 Ljómandi (The Shining)

Hugleikur Dagsson og Sandra Barilli — Tue, 24 May 2022 00:05:00 +0000

Faðir, móðir og ungur sonur þeirra flytja á hótel til að gæta þess yfir vetrartímann á meðan það er lokað. Þau komast fljótlega að því að einangrunin sem og hryllileg saga hússins veldur þeim öllum miklu hugarangri.

052 Strætóinn sem gat ekki hægt á sér (Speed)

Hugleikur Dagsson og Sandra Barilli — Tue, 17 May 2022 00:05:00 +0000

Sérsveitarmaður sem sérhæfir sig í sprengjuleitum þarf að bjarga farþegum í strætisvagni frá hræðilegum dauðdaga, en vagninn þeirra er útbúinn hraðasprengju sem virkjast um leið og hraðinn fer undir 80 km á klukkustund. Farþegarnir leggjast öll á eitt að koma sér úr þessum vanda, með dyggri aðstoð sérsveitarmanna.

051 Regnboginn (Cinema Paradiso)

Hugleikur Dagsson og Sandra Barilli — Tue, 10 May 2022 00:05:00 +0000

Lítill og lævís drengur hangir mikið í bíóhúsinu í smábænum sínum á Sikiley, þar sem sýningarstjórinn kennir honum helstu tökin í bíóhúsabransanum. Þar fæðist ást hans á kvikmyndum og eftir hörmulegt slys í húsinu fær hann vinnu sem sýningarstjóri sjálfur þrátt fyrir ungan aldur.

050 Stjörnustríð – Kafli VI: Jedúddamía (Return of the Jedi)

Hugleikur Dagsson og Sandra Barilli — Tue, 03 May 2022 00:05:00 +0000

Nú þegar Logi Geimgengill hefur lokið framhaldsnáminu sínu í Væringjafræðum ákveður hann að herja á Keisaraveldið og föður sinn í leiðinni, en hann er þar innsti koppur í búri. Þau Logi, Leia og Hans Óli þurfa þó fyrst að flýja undan illmenninunu Jabba sem ætlar sér ekki að láta þau komast upp með það.

049 Barningur í Bjarnarborg (Der Himmel über Berlin)

Hugleikur Dagsson og Sandra Barilli — Tue, 26 Apr 2022 00:05:00 +0000

Í samfélagi fólks svífa verndarenglar um og heyra hugsanir þeirra og óskir. Einn þeirra er þó sjálfur með þrár um að upplifa heiminn eins og manneskja og eiga í ástarsambandi, drekka kaffi og fara úr skónum undir borði og teygja úr berum táslunum.

048 Bandaríski bjáninn (American Psycho)

Hugleikur Dagsson og Sandra Barilli — Tue, 19 Apr 2022 00:05:00 +0000

Maður sem vinnur óræða vinnu á verðbréfamörkuðum í New York borg þráir umfram allt viðurkenningu frá vinnufélögum sínum. Hann hefur þó hættulega hneigð til þess að myrða fólk og stundar það samhliða því að reyna að ganga í augun á samstarfsmönnum sínum.

047 Vandamál og kínakál (Big Trouble in Little China)

Hugleikur Dagsson og Sandra Barilli — Tue, 12 Apr 2022 00:05:00 +0000

Kurt Russell leikur djúpt þenkjandi bílstjóra með sterka réttlætiskennd. Þegar ástkonu vinar hans er rænt á flugvelli smalar hann saman í lið til að hafa upp á henni. Bílstjórinn og gengið hans lúskrar á yfirnáttúrulegum bardagahetjum og kynnist dularfullum undirheimum Litlu Kína.

046 Transdans (The Rocky Horror Picture Show)

Hugleikur Dagsson og Sandra Barilli — Tue, 05 Apr 2022 00:05:00 +0000

Brad og Janet eru nýtrúlofuð og ástfangin upp fyrir haus. Þau eru á ferðalagi og sprengja dekk á bílnum sínum, og leita því aðstoðar í nágrenni. Þar koma þau að kastala þar sem mikil veisluhöld eru í gangi og þau sogast inn í dans og leik, en þegar dansinn dunar sem hæst sjá þau að ekki er allt með felldu.

045 Denni dæmalausi (Donnie Darko)

Hugleikur Dagsson og Sandra Barilli — Tue, 29 Mar 2022 00:05:00 +0000

Elsti sonurinn á venjulega ameríska heimilinu bjargast á undraverðan hátt frá óútskýrðu flugslysi, og hrindir af stað undarleg atburðarrás. Hann rannsakar tímaferðalög og er sannfærður um að heimsendir sé í nánd.

044 Þú ert drekinn (Enter the Dragon)

Hugleikur Dagsson og Sandra Barilli — Tue, 22 Mar 2022 00:05:00 +0000

Bruce Lee leikur bardagakappa sem er sendur af dularfullri bandarískri nefnd á úthafseyju til að rannsaka lát fjölda ungra kvenna. Hann kemst fljótt að því að háttsettur eigandi eyjarinnar er með eitthvað gruggugt í pokahorninu.

043 Saga Borgarættarinnar (The Royal Tenenbaums)

Hugleikur Dagsson og Sandra Barilli — Tue, 15 Mar 2022 00:05:00 +0000

Stórfjölskylda sem misst hefur allt samband innbyrðis finnur sig knúna til að endurnýja kynnin þegar fjölskyldufaðirinn veikist. Hann er einnig orðinn gjaldþrota og því kemur það sér vel fyrir hann að flytja aftur inn á gamla heimilið sitt á meðan fyrrverandi kona hans og börn sinna honum.

042 Galdrakarlinn í DOS (The Matrix)

Hugleikur Dagsson og Sandra Barilli — Tue, 08 Mar 2022 00:05:00 +0000

Það er oft gríðarlega erfitt að standa undir væntingum annarra en Thomas Andersson, eða Neo eins og hann kallar sig í netheimum, gerir sitt besta til að bjarga mannfólki úr gíslingu véla undir handleiðslu lærimeistara síns.

041 Mömmó (Psycho)

Hugleikur Dagsson og Sandra Barilli — Tue, 01 Mar 2022 00:05:00 +0000

Ástfangin kona tekur lítið ígrundaða ákvörðun að ræna seðlabúntum frá viðskiptavini fyrirtækisins sem hún vinnur hjá og stinga af. Hún keyrir út úr borginni samdægurs og mætir hornauga lögreglunnar sem fælir hana að afskekktu gistiheimili.

040 Eistnaflug (Top Gun)

Hugleikur Dagsson og Sandra Barilli — Tue, 22 Feb 2022 00:05:00 +0000

Tom Cruise leikur ungan spaða í flughernum sem sýnir ótrúlega hæfileika í loftinu, þó ekki sé hann hár í loftinu. Mynd sem sannarlega fær þig til að grípa andann á lofti.

039 Barnaland (Raising Arizona)

Hugleikur Dagsson og Sandra Barilli — Tue, 15 Feb 2022 00:05:00 +0000

Skemmtileg og óvenjuleg grínmynd um hjón sem langar að eignast barn og taka upp á því að nappa einu af ríkum hjónum. Ungi drengurinn sem þau ræna heillar alla upp úr skónum, og keppast því enn fleiri aðilar um umsjá hans.

038 Alein (Alien)

Hugleikur Dagsson og Sandra Barilli — Tue, 08 Feb 2022 00:05:00 +0000

Í vöruflutningarskipi sem ferðast geimshorna á milli er hópur fólks sem óskar einskis heitar að komast heim eftir langan leiðangur. Þau verða vör við varúðarkall frá nálægri plánetu og eins og þeim er skylt athuga þau málið og komast þá í kynni við áður óþekkta tegund af geimveru.

037 Reykjavík Derrière (Sódóma Reykjavík)

Hugleikur Dagsson og Sandra Barilli — Tue, 01 Feb 2022 00:05:00 +0000

Eirðarlaus bifvélavirki er dreginn inn í skrýtna atburðarás þegar hann reynir að aðstoða móður sína að finna nýja fjarstýringu fyrir sjónvarpið hennar. Hann lendir í miðjum kjarna á glæpagengi í Reykjavík og reynist honum þrautin þyngri að hrista það af sér.

036 Sverðgarnir sjö (Seven Samurai)

Hugleikur Dagsson og Sandra Barilli — Tue, 28 Dec 2021 00:05:00 +0000

Nokkrir bændur úr smáþorpi í Japan sem fæst aðallega við kornrækt komast á snoðir um að ribbaldar ætli sér að ræna uppskerunni. Þeir bregða á það ráð að hóa saman nokkrum samúræjum til að vernda þorpsbúa og uppskeruna. Samúræjarnir eru bæði reyndir og óreyndir og fylgjumst við með samstarfi þeirra við bæjarbúana.

035 Fólasaga (Scrooged)

Hugleikur Dagsson og Sandra Barilli — Tue, 21 Dec 2021 00:05:00 +0000

Bill Murray leikur illa innrættan yfirmann á sjónvarpsstöð sem finnur ekki fyrir anda jólanna. Gamlir draugar bregða þá á það ráð að sýna honum fortíð hans, nútíð og framtíð með áframhaldandi þvermóðsku. Hann virðist læra af þeirri reynslu og ákveður að verða betri maður.

034 Ástarpungar (Love Actually)

Hugleikur Dagsson og Sandra Barilli — Tue, 14 Dec 2021 00:05:00 +0000

Smásögur um ástir og örlög íbúa Londonarborgar fléttast saman í þessari heimsþekktu jólamynd. Við fylgjumst meðal annars með forsætisráðherra Bretlands, gamalgrónum tónlistarmanni, ungum konum og eldri konum hugsa sinn gang í aðdraganda jólanna.

033 Harðlífi (Die Hard)

Hugleikur Dagsson og Sandra Barilli — Tue, 07 Dec 2021 00:05:00 +0000

John McClane heimsækir eiginkonu sína í aðdraganda jólanna en hjónabandið þeirra hefur gengið brösulega. Hann er starfandi lögreglumaður í New York borg en um leið og hann kemur óvænt í jólaboðið sem haldið er í fyrirtækinu hennar þá mæta þangað þrjótar sem ætla sér að ræna bankahvelfingu byggingarinnar. John þarf að taka á honum stóra sínum til að vernda eiginkonu sína og samstarfsfólk hennar.

032 Blúbbs (Splash)

Hugleikur Dagsson og Sandra Barilli — Tue, 30 Nov 2021 00:05:00 +0000

Tom Hanks leikur ungan mann sem sér um vöruflutninga og þykir lítið til lífsins og ástarinnar koma. Hann kynnist þá konu sem kemur úr óvæntri átt og segir honum fátt um uppruna sinn. Með þeim takast ástir og lífið leikur við þau þangað til hann kemst að raunverulegu eðli konunnar.

031 Eggert (Blade)

Hugleikur Dagsson og Sandra Barilli — Tue, 23 Nov 2021 00:05:00 +0000

Ofurhetjan Blade er fæddur sem afkvæmi manns en með eiginleika vampíru. Hann nýtir ofurkraftana sína til að berjast gegn þessari vá sem herjar á íbúa New York borgar. Hann reynir eins og hann best getur að stöðva upprisu illmenna sem ætla sér að beita bellibrögðum til að öðlast guðlega krafta.

030 Geimskutlan (Barbarella)

Hugleikur Dagsson og Sandra Barilli — Tue, 16 Nov 2021 08:40:54 +0000

Barbarellu er falið það verkefni að hafa upp á illmenninu Duran Duran. Hún lendir í ótrúlegum ævintýrum á ferðalagi sínu um geiminn og passar að vera alltaf viðeigandi í klæðaburði.

029 Heilinn hans Jóns míns (Being John Malkovich)

Hugleikur Dagsson og Sandra Barilli — Tue, 09 Nov 2021 00:05:00 +0000

Mjög hæfur brúðuleikari sem hefur því miður ekki náð langt í list sinni, finnur fyrir einskæra tilviljun göng á vinnustaðnum sínum sem leiða hann í ævintýralega upplifun á lífi leikarans John Malkovich. Hann ákveður þá ásamt samstarfskonu sinni að selja aðgang að göngunum en um leið og hr. Malkovich sjálfur kemst að þessum leyndardóm eru góð ráð dýr.

028 Stjörnustríð – Kafli V: Feðraveldið slær til baka (The Empire Strikes Back)

Hugleikur Dagsson og Sandra Barilli — Tue, 02 Nov 2021 00:05:00 +0000

Luke hefur fundið kraftinn innra með sér og leitar á náðir meistara Yoda til að þjálfa hann. Á meðan er samstarfsfólk hans, Leia Prinsessa, Hans Óli og Chewbacca, að beita öllum brögðum til að fela sig fyrir Svarthöfða með dyggri aðstoð vélmennisins C3PO.

027 Grímuskylda (Halloween)

Hugleikur Dagsson og Sandra Barilli — Wed, 27 Oct 2021 17:24:26 +0000

Aukaþáttur í tilefni af Hrekkjavöku, Hulla og Söndru félagið horfir á hryllingsmynd þar sem ungur drengur myrðir systur sína og er vistaður á geðsjúkrahúsi í framhaldi. Hann sleppur út þegar hann er kominn til vits og ára og ræðst á ungar barnapíur í gamla hverfinu sínu.

026 Dýrin í Haglaskógi (Bambi)

Hugleikur Dagsson og Sandra Barilli — Tue, 26 Oct 2021 09:32:00 +0000

Líf dýranna í skóginum er ekki alltaf dans á rósum, sérstaklega þegar óboðni gesturinn mætir þangað. Við fylgjumst með Bamba og vinum hans stíga sín fyrstu skref og átta sig á umhverfi sínu með tilheyrandi gleði og áföllum .

025 Heimskveldið (Idiocracy)

Hugleikur Dagsson og Sandra Barilli — Tue, 19 Oct 2021 00:05:00 +0000

Hvað ætli gerist í heimi þar sem illa gefnu fólki fjölgar svo að þau útrýma því gáfaða? Meðaljón Ameríku vaknar úr dái í framtíðarríki þar sem hann, fullkomlega áreynslulaust, er orðinn best gefni þjóðfélagsþegninn. Hann kynnir betri aðferðir við ræktun korns og er gerður að forseta Bandaríkjanna stuttu eftir það.

024 Mektarmenn (Goodfellas)

Hugleikur Dagsson og Sandra Barilli — Tue, 12 Oct 2021 00:05:00 +0000

Glæpagengi í Brooklyn elur upp meðlimi frá unga aldri. Henry litli sinnir hinum ýmsu störfum fyrir glæpóna hverfisins og uppsker ríkulega. Þegar hann er orðinn háttsettur ákveður hann að færa út kvíarnar en kemst í hann krappann þegar hann verður of sólginn í innflutningsvörur sínar.

023 Stimpilklukkustundir (9 to 5)

Hugleikur Dagsson og Sandra Barilli — Tue, 05 Oct 2021 00:05:00 +0000

Þrjár ungar skutlur vinna á kontórnum á daginn undir gríðarlega þrúgandi nærveru yfirmanns sem hlutgerir þær og hamlar þeim frekari starfsþróun. Eftir röð tilviljana enda þær á að halda honum föngnum í hans eigin húsi og á meðan fá þær frið til að besta vinnustaðinn og hlúa að starfsfólki.

022 Síðasta veiðiferðin (Predator)

Hugleikur Dagsson og Sandra Barilli — Tue, 28 Sep 2021 00:05:00 +0000

Sjálfstætt starfandi hermaður og hans hópur er fenginn til að ráða niðurlögum á óþekktri veru sem virðist vera að leggja frumskóginn undir sig með því að herja á fólk. Skepnan beitir ýmsum brögðum til að ögra fólkinu og hamflettir nokkra einstaklinga og þá eru góð ráð dýr.

021 Lokað fyrir Páli (Pelle Erobreren)

Hugleikur Dagsson og Sandra Barilli — Tue, 21 Sep 2021 00:05:00 +0000

Myndin segir frá sænskum feðgum sem ráða sig í vist á lítilli eyju sunnan af Skáni. Þrátt fyrir að þeir búi við bágar aðstæður þá missir sonurinn Pelle ekki trúnna á að hann geti öðlast frelsi og komið sér í burtu.

020 Ná-granninn (Beetlejuice)

Hugleikur Dagsson og Sandra Barilli — Tue, 14 Sep 2021 00:05:00 +0000

Barnlaus hjón lenda í bílslysi og drukkna en í staðinn fyrir að kveðja veraldlega heiminn snúa þau aftur í húsið sitt sem draugar. Þau hefja þá ómarkvissar tilraunir til að hrekja á brott nýja eigendur hússins.

019 Með fátt á hreinu (Dazed and Confused)

Hugleikur Dagsson og Sandra Barilli — Tue, 07 Sep 2021 00:05:00 +0000

Við fylgjumst með unglingum í sjöunni í vernduðu umhverfi í Bandaríkjunum sletta úr klaufunum eftir skólaslit að sumri. Yngstu bekkingar þurfa að þola busun af hendi hinna eldri meðan að önnur leita að partýjum og drykkjufélögum.

018 Sjomli (Oldboy)

Hugleikur Dagsson og Sandra Barilli — Tue, 31 Aug 2021 00:05:00 +0000

Dae-su virðist vera mikil fyllibytta og ónytjungur og er fangelsaður í fimmtán ár þrátt fyrir að hafa ekki sýnilega brotið af sér. Þegar hann sleppur úr fangelsinu einsetur hann sér að finna kvalara sinn en sú leit leiðir hann á óvæntar slóðir.

017 Flugmaðurinn (Superman)

Hugleikur Dagsson og Sandra Barilli — Tue, 24 Aug 2021 00:05:00 +0000

Þegar nýfæddur Kal-El er sendur aleinn frá deyjandi plánetunni sinni lendir hann á Jörðinni þar sem eldri hjón taka hann að sér og ala hann upp. Honum gengur vel í hinu daglega lífi en þegar hann nær unglingsárum áttar hann sig á að hann er ekki eins og flest fólk heldur býr hann yfir ofurkröftum sem hann nýtir til að gera góðverk og hjálpa sínum samborgurum.

016 Fellarnir í Fellunum (Boyz n the Hood)

Hugleikur Dagsson og Sandra Barilli — Tue, 17 Aug 2021 00:05:00 +0000

Þrír vinir sem kynnast á unga aldri feta saman lífsins veg gegnum erfiðleika, fátækt og lögregluofbeldi. Tímamótamynd sem er byggð að einhverju leyti á upplifunum höfundar og veitti á sínum tíma gríðarlega innsýn inn í líf svartra í hverfum Los Angeles.

015 Skarkári (Poltergeist)

Hugleikur Dagsson og Sandra Barilli — Tue, 10 Aug 2021 00:05:00 +0000

Amerísk vísitölufjölskylda flytur í fallegt hús í úthverfi í Kaliforníu og hyggur á huggulegt líf þegar undarlegir andar fara að láta á sér kræla. Yngsta dóttirin verður þeirra fyrst vör og smátt og smátt taka þeir yfir heimilið. Óhugnaðurinn virðist engan enda ætla að taka og foreldrarnir leita ráða vítt og breitt um samfélagið til að ráða niðurlögum á draugaganginum.

014 Flottar á flótta (Thelma & Louise)

Hugleikur Dagsson og Sandra Barilli — Tue, 03 Aug 2021 06:53:12 +0000

Tvær ungar skjátur ákveða að skella sér í helgarfrí til að losna aðeins frá sínu daglega amstri. Þeim tekst ekki betur til en svo að í upphafi ferðalagsins verður önnur þeirra fyrir hrottalegri árás og hin tekur lögin í sínar hendur og saman breyta þær stefnu helgarfrísins í flótta undan lögreglunni.

013 Olnbogarými (Office Space)

Hugleikur Dagsson og Sandra Barilli — Tue, 27 Jul 2021 00:05:00 +0000

Metnaðarlaus ungur maður vinnur á skrifstofu með erfiðum yfirmanni og þykir fátt til lífs síns koma, þangað til að hann tekur þátt í dáleiðslutíma sem fer örlítið úrskeiðis. En þrátt fyrir mislukkaða dáleiðsluna nær hann að öðlast nýtt viðhorf gagnvart yfirmönnum sínum, vinnu og einkalífi.

012 Hörundsár (Scarface)

Hugleikur Dagsson og Sandra Barilli — Tue, 20 Jul 2021 00:05:00 +0000

Ungur flóttamaður frá Kúbu kemur sér í mjúkinn hjá eiturlyfjainnflytjanda í Miami. Þrátt fyrir ungan aldur og litla reynslu er hann þó ekki lengi að taka yfir stórveldið hans og eftir það liggur beinast við að stækka við sig. En eins og oft er með fyrirtæki sem opna mörg útibú er auðvelt að missa tökin á gæðastjórnun þegar athyglinnar er víðs vegar krafist.

011 Tóti á móti (My Neighbour Totoro)

Hugleikur Dagsson og Sandra Barilli — Tue, 13 Jul 2021 00:05:00 +0000

Lítil fjölskylda flytur yfir sumartímann í sveitir Japans, til að dreifa huganum á meðan að móðirin liggur á spítala. Dæturnar tvær kynnast nágrönnum, dýrum og alls kyns furðuverum sem dvelja þar líka.

010 Bíbí fríkar út (The Birds)

Hugleikur Dagsson og Sandra Barilli — Tue, 06 Jul 2021 00:05:00 +0000

Gáskafull og hvatvís kona hittir heillandi mann í smáfuglabúð í stórborginni, en þegar hann þarf skyndilega að rjúka ákveður hún að elta hann uppi með þá tvo fugla sem hann óskaði systur sinni í afmælisgjöf. Þegar hún mætir óvænt í bæinn til verður uppi fótur og fit þegar aðrir fuglar byrja að sýna af sér ankannalega hegðun gagnvart bæjarbúum. Tímamóta ræma um ófyrirséðar ógnir.

009 Reimholt (Ghost World)

Hugleikur Dagsson og Sandra Barilli — Tue, 29 Jun 2021 00:05:00 +0000

Tvær ungar og nýútskrifaðar stelpur fylgjast með fólki í kringum sig og reyna að finna sinn stað í lífinu. Önnur þeirra kynnist hljómplötuáhugamanni meðan að hin vinnur og leitar að íbúð fyrir þær tvær að leigja saman. Þetta er mynd um mótunarár unglingsstúlkna og sumarið sem breytir öllu.

008 Hugguleg án heimanmunds (Pretty Woman)

Hugleikur Dagsson og Sandra Barilli — Tue, 22 Jun 2021 00:05:00 +0000

Ung og glæsileg kona aðstoðar aðkomumann í Rauða hverfi Los Angeles við að komast aftur heim á hótelið hans. Maðurinn óskar eftir að hún veiti honum sína nærveru- og kynlífsþjónustu meðan hann er í viðskiptaerindum í borginni og gera þau ýmsa hluti saman, meðal annars að versla, horfa á kappreiðar og elskast.

007 KJAMS (Jaws)

Hugleikur Dagsson og Sandra Barilli — Tue, 15 Jun 2021 00:05:00 +0000

Ógnvekjandi ófreskja í hafinu skekur heilt sjávarþorp sem hefur sitt lifibrauð af ferðafólki sem sækir þangað í sólina kringum þjóðhátíðardag Bandaríkjanna. Lögreglustjórinn á svæðinu vill krefja bæjaryfirvöld að loka ströndinni á meðan að hann og félagar hans ráða niðurlögum á gríðarstórum hákarli sem hefur kjamsað á nokkrum bæjarbúum og aðkomufólki.

006 Meðal dóna og þrjóta í Minnesóta (Fargo)

Hugleikur Dagsson og Sandra Barilli — Tue, 08 Jun 2021 00:05:00 +0000

Eldklár lögreglukona í miðríkjum Bandaríkjanna fær morðgátu upp í hendurnar þegar hún kemur að undarlegu bílslysi í vegarkanti. Rannsókn málsins leiðir hana til bílasala sem virðist við fyrstu sýn ekki hafa allt mjöl hreint í sínu pokahorni. Skemmtileg ræma um morðmál og ótrúlegar afleiðingar.

005 Upp, upp, mín sál (Up)

Hugleikur Dagsson og Sandra Barilli — Tue, 01 Jun 2021 00:05:00 +0000

Eftir fráfall æskuástar og eiginkonu hans Carl Fredricksen ákveður hann að halda í draumaferðina þeirra upp að Paradísarfossum. Hann vissi þó ekki að þegar að hann tók á loft í heimasmíðuðum loftbelg að óvæntir ferðafélagar leyndust með, sem koma til með að kenna honum eitt og annað um að njóta lífsins.

004 Jarmsaga (Silence of the Lambs)

Hugleikur Dagsson og Sandra Barilli — Tue, 25 May 2021 00:01:00 +0000

Vel þekkta og ógeðþekka mannætan Hannibal aðstoðar lögreglukonuna Clarice við leit að fjöldamorðingja í sýslum Vestur-Virginíu. Þrátt fyrir ógnandi tilburði gagnvart öllu öðru fólki kemur Hannibal vel fram við hana og hjálpar henni í hvívetna. Hulli og Sandra ræða samúð með siðblindum fjöldamorðingjum sem hlusta á óperur og drekka fín vín.

003 Brúðarbrölt (The Princess Bride)

Hugleikur Dagsson og Sandra Barilli — Tue, 18 May 2021 07:00:00 +0000

Sögulegt ævintýri um The Princess Bride og örvæntingafulla og þyrnum stráða för ástmanns hennar sem hún taldi látinn. Fantasía sem á sér enga líka, Hulli og Sandra ræða hvers vegna þessi mynd er svona hjartnæm.

002 Aktu taktu (Bonnie and Clyde)

Hugleikur Dagsson og Sandra Barilli — Tue, 11 May 2021 00:01:00 +0000

Heimsþekkta útlagaparið Bonnie og Clyde eyddu síðustu æviárum sínum á flótta undan lögreglunni og skópu sér einstakt orðspor á meðan. Hulli og Sandra kafa í upphaflegu áhrifavalda áhrifavaldanna í Bandaríkjunum.

001 Stjörnustríð – Kafli IV: Þetta reddast (A New Hope)

Hugleikur Dagsson og Sandra Barilli — Tue, 04 May 2021 00:01:00 +0000

Velkomin í fyrsta þátt af VÍDJÓ. Hérna er loðfíllinn í skápnum krufinn og kraminn, Star Wars: A New Hope. Tæknibrellur sem áður höfðu ekki sést ásamt leikmynd á alheimsskala. Sandra upplifir alvöru Stjörnustríðið í fyrsta sinn, megi mátturinn og dýrðin með ykkur vera.